1. "El pluralismo Político" le meyaja' uti'al José Chávez Morado, 1981.

Le its'atila' leti' u jach k'a'ananil ichil tuláakal le najil póopila', tumeen ti' yaan jach tu yookbalak máaki', beey xan jach k'ajóola'an. Te boonila' ti' yaan le k'ajóola'an bey escudo Nacional, le je'ela' ti' yaan jach tu chúumukil le boon yaan aktáano'.

Ti'al a k'aj óol ujeel ba'al ti' le meyaja', je'el u béeytal a xak'altikwaye'.

2. Las Constituciones de México, uti'al Adolfo Mexiac, 1981

Le je'ela' jump'éel boonil beeta'an yóok'ol che', ti' yaan te tu yookbal máak te kúuchil póopilo'.Le ba'ax ku tsikbaltik le boonila', jach ku ts'aatáantik u noj A'almajt'aanilo'ob u ja'abilo'ob 1824, 1857 yéetel 1917.

Relieve escultórico. Plaza de los Constituyentes de 1917, uti'al Ricardo Ponzanelli, 2016

Le je'ela' jump'éel póolbil oochel, ti' yaan te tu pak'il le Edificio A, ti' yaan ti' bey u chan k'íiwikile'. Le póolbil oochela' jump'éel chíimpolal ti'al le aj póopilo'ob táakpajo'ob te Queretaro 1917, u jats'utsil le meyaja', ku láaj chíikpajal le ajpóopo'ob táakpajo'obo', tu 219 u túulal.

4. Rotativa
Constituyente

Le je'ela' jump'éel u nu'ukulil u jóok'sa'al ts'íib yóok'ol ju'un, wa impresión, le je'ela' si'ib ti' le u aj póopilo'ob le LIII Legislatura, tu ja'abil 1986, tumeen le máaxo'ob jo'olbesik kach le kúuchil ts'albil ju'un El Universal". Ba'ax beetik u k'a'anantal le nu'ukula', ikil leti' le meyajnaj ka yáax ts'a'ab u ts'íibil u noj A'almajt'aanil México, yóok'ol ju'un

5. U chíikulalo'ob bix unaj u beetik u meyaj le aj póopo'obo': Gran Tintero, Campana y Urna de Plata

Le u chan nu'ukulil le tinta wa tinteróo, jump'éel u meyaj yuun Domitilo Margarito Pérez, leti' ku meyajtik plata, le chan nu'ukula' tu beetaj ichil u ja'abilo'ob 1881 yéetel 1882. Le chan nu'ukula' ti' ts'a'an tu jach ka'analil le mayakche' tu'ux ku much'ikubáa tsikbal le aj póopo'obo', le tu'ux ka'analo' ku chíikbesike' leti' le kúuchil jets'a'an ti'al máax jo'olbesik le Cámara ti' diputadoso'.

Le u chan k'olonil wa campana ti'al le múuch' meyajo', beeta'ab yéetel bronce tumeen u aj meyaj k'abilo'ob u kaajil Tecámac, tu xóot' lu'umil estado de México. Le chan nu'ukula' u chíikulal jo'olpóopil, le je'ela' ku meyaj ti' le máax jo'olbesik u meyajilo'ob le Cámarao', ti'al u yutsul úuchul le tsikbalo'obo'.

Tu ts'ooke', yaan le bey chan bául beeta'an yéetel platao',le je'ela' ku chíikbesik u jejeláasil wíinik yan, ku ye'esa'al túun yéetel mejen piña taka'an tu maak, yéetel xan u k'óon táamil u vaso'ilo'. Le chan nu'ukula' jump'éel ba'al jach meyajnaj ti' le úuchben griego'ob yéetel romano'ob ti'al u moliko'ob le u ju'unilo'ob yéeytáambalo'.

1. "El pluralismo Político" le meyaja' uti'al José Chávez Morado, 1981.

2. Las Constituciones de México, uti'al Adolfo Mexiac, 1981

Relieve escultórico. Plaza de los Constituyentes de 1917, uti'al Ricardo Ponzanelli, 2016

4. Rotativa Constituyente

5. U chíikulalo'ob bix unaj u beetik u meyaj le aj póopo'obo': Gran Tintero, Campana y Urna de Plata

4. Rotativa
Constituyente