U kúuchilil u ye’esa’al its’ato’ob Sentimientos de la Nación
A wojel wáaj ichil le Palacio Legislativo ti’ San Lazaro, yaan u kúuchilil u ye’esa’al its’ato’obi’, ko’otéen a xíimbalt le kúuchil ts’o’ok u jel túumbenkúunsa’ala’.
Le kúuchilil e’esaj its’ato’, jump’éel kúuchil ku ts’aik le cámara ti’ diputados ti’al u na’atikubáa yéetel le u’ulabo’ob ku k’uchlo’ob xíimbalo’, beyo’ le máax ka k’uchuk xíimbale’ yaan u páajtal u na’atik ba’ax le meyajil ku beetik le u cámara’il, Diputados yéetel Senadoreso’.
Ichil u jejeláasil kúuchilo’obo’, yaan u páajtal a xíimbaltik u k’ajla’il México, beey xan, bix ts’o’ok u bin yúuchul le póopil wa le legislativóo, beey xan yaan u páajtal a na’atik ba’ax le política’o’, noj lu’umil, jala’achil tumeen kajnáalo’ob, jáalk’ab yéeyajil, aj póopil, yéeyaj, a wu’uyikabáa Mexicano’ilech, ichil uláak’ ba’alo’ob.
K payalt’antikech ti’al ka k’ajóolt le kúuchil e’esaj its’ailo’, tumeen te kúuchila’ ku béeytal xan a wojéeltik péektsilo’ob, cha’ano’ob, ts’albil ju’uno’ob yéetel tuláakal le ba’axo’ob ku beeta’al te kúuchila’
K páayt’aantikech a k’aj óolt u kúuchil e’esaj kuxtal, tu’ux xan je’el u béeytal a wookol a wil ba’ax ku yúuchul ti’ kaajo’ob, cha’ano’ob, jóok’saj ts’íibo’ob, yéetel tuláakal ba’ax suuk u beeta’ali’.
